تعرفوا ايه هى الحياة*
د. عبير عبد المجيد الخبيري
تعرفوا ايه هى الحياة
بيت وعيلة وولاد حلال
لمة دفية تكون جميلة
وضحكة تريح القلب الحيران
ناس تشيلك ساعة همك
حتى من غير كلام
ناس تشوف الدمعة منك
تقوم تمسحها قوام
وقت حزنك دايما جنبك
ميعرفوش لف ودوران
ناس تحبك زي ما انت
تشوف معاهم راحة البال
قلوب بيضه صفيه وناديه
معدنهم في الشدة يبان
لو في حياتك هتلاقيهم
هيغنوك عن المال
نعمة كبيرة من المولى
تستاهل الحمد كمان وكمان
تعرفوا ايه هى الحياة
لما تشوف عيال صالحة
تزرع الخير في البستان
تربية إيدك قول إن شاء الله
تطرح عز وجمال
سند وضهر ليك ولغيرك
لما تنادي تيجي في الحال
عزوة كبيرة جوى بيتك
تدي للحياة امال
صحبة دفيه وضحكة ريقة
تنسى تعبك مهما كان
تعرفوا ايه هى الحياة
أخوات صدقة بر وامان
فى عز وجعك تجري عليهم
تلقي فى حصنهم الحنان
إيد تطبطب على كتفك
فيها الأهل والخلان
تعرفوا ايه هى الحياة
رضا وقناعة وصبر جميل
مهما طال عليك الليل
خلي قلبك هو أصيل
هى دي معنى الحياة
المزيد
لا تَعُدَّ الأيام، ولكن اجعل الأيام تستحق العدّ. بقلم عبد الرحمن غريب
ما أجمل أن يطمئن قلبك بقلم خيرة عبدالكريم
ورقة العشق بقلم حسام علي