مجلة ايفرست الادبيةpng
ﺟﺎﺭ ﺍﻟﺘﺤﻤﻴﻞ ...

مجلة ايفرست

مجلة ايفرست الأدبية

صندوق الذكريات بقلم د. عبير عبد المجيد الخبيري 

صندوق الذكريات

د. عبير عبد المجيد الخبيري 

 

اتفرج يا سلام اتفرج يا جدع

صندوق الذكريات جايبلك النبأ

ده الناس كان الزمان كلامها ينسمع

وقراية الجرانين والقهوة تنشرب

فاكر عمو كمال يجمع الصغار ويقرا الخبر

فوازير رمضان الجاي هيكون عمو فؤاد وهتسعد النظر

ومسلسل عمو ونيس بيحذر من الخطر

والراديو في القهوه يونس البشر

حكايات ابله فضيله تجمع الصغار وتفكر الكبار

الجار دايما للجار واسماعي يا قمر

وصوت ام كلثوم يفتت الحجر

ولا عبد الحليم والقلب اللي اتوجع

ولا افلامنا زمان دلوقتي بتتهجر

ابطال ابيض واسود عمرها ما تتصنع

اتفرج يا سلام اتفرج يا جدع

بصوا معايا زمان الطيبه بتنزرع

قلوب حلوه جميله والخير ما ينمنع

والناس كانت لبعض والطيبه بتنقسم

الجار ينادي الجار والكل يتجمع

لقمه حلوه هنيه ومحدش يتوجع

خلاص قفلنا الصندوق وخلصنا النبأ

واللي عاش زمان قلبه عمره ما ينكسر

يا عيني على الصغار شايفين دايما أهوال

ده العصر نزل عليهم سيل كالمطر

والانترنت كمان معاهم اتفجر

مليان كله اخبار وهدم القيم

خلاص ما بقاش معانا غير الخطر

مع السلامه يا كرام وخلصنا يا جدع