قطر الصعيد
بقلم : د. عبير عبد المجيد الخبيري
يا قطر ماشي جاي من بعيد
خد الغلابة بدون مواعيد
خد الابو اللي موش جي
وجبت حزن اللى مالوش زي
تووووت تووووت عدى القطر
واحنا لسه على الرصيف
واقفين نبص على اللي غايب
وسكة الحديد بتعيد جرح
والله مالوش مثيل
الأم تبكي على الحبيب
لسه هدومه على حبل جديد
العيال في البيت بتنوح
بتنادي عليه ومافيش حد
تبقى الفرحة دمعة على خد
هو انت يا سكة مابترحمش
بتاخدي الغالي ما تتوجعيش
فوق كتافك شايلة غلبان
عايز يرجع بلقمة حلال
يا قطر كفاية استنى
سيب الغلابة تتهنى
ده اللي راح ساب وراه باب موارب
ساب جرح جوه الحبايب
القلوب بقت خراب
كفايه دموع فوق التراب
بكينا كتير على اللي غاب
ودعنا الغالي وقلنا كمان
قطر الصعيد ملوش امان
امي بتبكي وقلبها مليان
جوه قهر ليله سهران
والفراق سايبها تعبان
والبيت من بعده بقى بردان
قطر الصعيد دايما غلبان
ساكن الحزن والحرمان
وصوته بيسبق الغربان
المزيد
في مكنون العدم أسئلة لا تنتهي بقلم : مَـنافْ الشَّـمريْ
تميمة السحر بقلم : مَـنافً الشَّـمرْي
صبرًا فإن لصبر المرء منزلة بقلم د. عبير عبد المجيد الخبيري