عشق دموي   بقلم صافيناز عمر

عشق دموي ”

بقلم ك/ صافيناز عمر ” معشوقه البدر ”

 

جميع الحقوق محفوظة للكاتبة (صافيناز عمر خليفه ) – يمنع النقل بدون إذن.

 

بدار ايتام ” الرحمه ”

وسط اصوات امطار غزيره وأصوات الرعد المرعبه يدوي صوت ضرحات طفله صغيره بكل قوه بل مكان صراخ ثم صرااخ بكل قوتها ليصل صراخها لمسامع الحارث .

 

ويخرج بلهفه عليها فيجد طفله ابنه الخمسه ايام فقط وكانت ايه في الجمال و لا تمتلك شهاده ميلاد أو غيرها .

 

فيتخدها الي مديره الدار الذي بدورها انبهرت بجمال عيونها ورقه صوتها وبشرتها وبرائتها مجرد طفله يغزو ملامحها برائه ولطافه ، حتي يمتعض وجهها حينها شعرت بحرارتها العاليه ، وشفاتيها التي تلطخت بلون الازرق ، لتصرخ بل حارس بأن يأتي بطبيب فورا

اتت الطبيبه …….

 

دكتوره صبا بقلق : في اي يا هانم مين تعب

 

حتي لاحظت هذه الطفله الصغيره بوجهها الذي أصبح بلون الازرق

لتأخدها سريعا و تسعفها تحت نظرات وقلق مديره الدار حتي أصبحت احسن بقليل

 

المديره بقلق : اي يا صبا طمنيني اي اللي فيها

 

صبا بود : متقلقيش يا هيام هانم هي بس جالها مايه ع الرقه وانا حاولت أشيل اكبر قدر ممكن وبكره لما الجو يهدي نوديها لمستشفي ، بس مين دي انا معرفش اني في اطفال رضع هنا .

 

المديره بحزن شديد علي الصغيره : لا يبنتي دا حد الله يسامحه حطها علي باب الدار في عز المطر دا

 

الدكتوره بزعل : استغفر الله العظيم مين دا اللي يجيله قلب يعمل كدا في طفله بنت يوم ولا اتنين

 

لتتلهف المديره : بجد يعني هي بنت كام يوم بس.

 

الدكتوره بحزن : اه للأسف هي بنت كام يوم .

 

انتهي الحوار بأمر الحارس بأخد الصغيره الي الداخل لتأخدها احدي مربيات الاطفال

 

المربيه بقرف : كانت نقصاكي انتي كمان ، ولا انت وهي اصحو يلا

 

ليفزع الاولاد لمجرد سماع صوتها ويقومو جميعهم .

 

المربيه بعصبيه: البت دي جديده معانا ومريضه اللي عاوز يعتني بيها الليل كله يعتني عشان مليش دماغ ولو سمعتلها صوت صحاني ولا قلقني بس هوريكم النجوم في عز الضهر فاهمين .

 

ليهز الجميع رأسهم بخوف من هذه المرأه وقام أحد الأطفال ذات ١٢ عام واسمه مراد بأخد الصغيره

 

وانبهر بجمالها الطاغي رغم شده مرضها .

واتو إليه اقرب اثنان له وهم محمد وعلي .

وحملو الصغيره معه واتفقوا علي أن تبقي الصغيره معهم يعتنو بها والباقيه يغادرو للنوم .

 

ليقول علي لمراد : انا عمري مشوفت طفله في الميتم دا كله بجمال والحلاوه دي البت دي اول متبني هيجي هياخدها انا متأكد .

 

ليقول مراد : طب لما هي حلوه كدا ليه حد ممكن يسبها واسمها اي

 

ليقول محمد : يجدعان بكره هنعرف بس البت سخنه مولعه اعتقد نجيب حتت قماشه وشويه مايه عشان ننزل السخونيه دي بس .

 

ليقول مراد وعلي بحزن : عندك حق لازم ننزل السخونيه دي

 

ويذهب محمد لجلب قطعه قماش و ماء مثلج وذهب إليهم .

وقامو بوضع قطع القماش علي جبهتها الصغيره لعل هذه الحراره تنخفض قليلا .

 

قال علي بحزن : دي جعانه أوي يا محمد بص بتمص صوباعها ازاي

 

لي يهز له مراد رأسه بحزن : اه ولله يا هاشم روح يا محمد هات حبه نعناع من الجنينه

 

محمد بدهشه : نعناع اي دي باين عليها صغيره اوي محتاجه لبن

 

ليرد علي بحزن : لبن اي يا محمد هنا دا احنا مبنشوفهوش يبني عشان نجيب ليها هي .

 

ليرد مراد بجمود معتاد : يبني يحمار انت وهوا الاطفال بيشربو سوائل عادي نعناع أو ينسون عشان توسع معدتهم اصلا روح يا محمد يلا اعمله وبدون اي سكر

 

ليغيب محمد قليلا ويأتي بنعناع ويقومو بتبرده ومحاوله باتت بل فشل أكثر من مرة في اطعامها بمعلقه صغيره .

 

ليقول علي بنفاذ صبر : هي مش صاحيه اصلا وبعدين لازم رضاعه كدا مستحيل تشرب

 

قال مراد بمجمود: عندك حق طب بص روح هات الرضاعه اللي كانت في لعبه ساندي ، هتلاقيها تحت السرير اللي هناك دا

 

قال علي بصدمه تعتلي: بس دي رضاعه لعبه يا مراد وممكن تكون غلط علي الطفله دي لا بلاش

 

مراد بصوت عالي قليلا : نفذ من غير لت وعجن خلقي ضيق

 

ليأتي برضاعه وبل فعل نجح الأمر وأطعمو الصغيره ونزلت حرارتها ليأخذوها ثلاثتهم بين احضانهم وينامو بعمق وسعاده لأن الصغيره بينهم .

 

اتي الصباح علي الجميع لتأمر مديره الدار الحارس بأن يأتي بل مربيه معها الصغيره .

 

فأتت وهي تحمل الصغيره تحت صراخها المزعج.

 

المديره بفزعه : اسم الله عليكي يا روحي بس يا نونو نامي يا صغنن نامي ششششش متعيطيش يا ضغننهه أبدا .

 

حتي اتستكانت الصغيره بين اضلعها ونامت بهدوء لتثبها المدير علي أحد كنبات الانتريه الخاص بل مكتب .

 

المديره: براحه عليها شويه يا عنيات دي بنت يومين .

 

عنيات بتمثيل الحزن : ولله يا ست هانم منيمتني طول الليل من عياط بتاعها خالص وفضلت سهرانه جمبها .

 

المديره بحزن علي الصغيره : هي بس عشان كانت تعبانه هروح انهارده بيها ع القسم والمستشفي عشان اثبت حاله ليها واكشف عليها واجي .

 

عنيات : ماشي يا ست هانم وانا هراعي الاطفال بره

 

ذهبت المديره وبيدها الطفله الصغيره الي أحد المستشفيات اولا وفعلت لها الفحوصات الازمه ، واخبرها أحد الاطباء أن الكمدات هي من ساعتها لأستراد عافيتها والان هي بخير قليلا

 

لتبتسم ظنا منها أن عنيات من قامت بذلك وتشكر الطبيب وتذهب الي مديريه لأمن ولكن للأسف لم تتوصل لأسم الصغيره أو كنيتها أو اي شئ يخصها ويخبرها الضابط أن تختار لها أحد الأسماء والكنيات ، لتسعد كثيرا ولكن تقرر بداخلها أمرا ما الأسعاد الاطفال بدار .

 

ذهبت المديره الي الدار وفزعت عندما وجدت احد الاطفال وينزف بشده من جانب فمه وأنفه .

 

لتترك الصغيره للحارس سريعا وتذهب إليه وتري بعض علامات الاصابع علي وجهه وتغضب بشده

 

المديره بعصبيه : مين الحيوان اللي عمل فيك كداااااا ردددد علياااا

 

الطفل بنظره رعب لعنيات التي أتت ع صوت المديره

 

الطفل برعب : وانا بلعب وقعت بس

 

المديره : ايااااد مبحبش الكدب أن اتخانقت مع حد من زمايلك صحح

 

اياد بتعلثم وخوف : ااا لل لا دا داا انا وقعت ولله بس

 

عنيات بخبث : لا سيادتك دا هوا كان بيلعب وراح شادد شعر لميس فا ضربته بل قلم وقع علي وشه

 

المديره بعصبيه : انتي لما شوفتي كدا مغسلتيش وشه ليهه ينفع المنظر دا

 

عنيات بأسف : حقك عليا يا هانم هغسلهوله اهو

 

المديره بمحاوله منها للهدوء : معلش يا ايدو انا بس خوفت عليك خد شوكلت اهي واغسل وشك وبلاش تلعب ادخل نام شويه

 

ليبتسم اياد بطفوليه ويقبلها بخدها ويأخد الشوكلاته ويذهب لغسل وجهه ، وتبتسم عليه المديره وتلتفت لعنيات

 

المديره بودد: متزعليش انا بس بخاف عليهم زي ولادي وانتي عارفه

وشكرا انك اعتنيتي بطفله دي وعملتها كمدات طول الليل الان لولاكي كانت هتتعب بزياده وبعدين دول مجرد ايتام وواجب مننا نخلي بالنا عليهم وعلي صحتهم زي ولادنا واكتر

 

عنيات بتمثيل الحزن : ولله يا هانم ما مأثره مع حد فيهم يشهد ربنا بعاملهم زي ولادي واعز دول يتامي وغلبانين يعني .

 

لتبتسم المديره وتأخد الطفله وأمرت عنيات بأن تحضر حفل بسيط جدا لأسعاد الاطفال والأخبارهم أمر هام ، اومأت عنيات وذهبت المديره .

 

الحارث بقرف لعنيات : دا انا كنت هصدقك يا وليه دا انتي اللي مأكله الواد العلقه ومطفحاه الدم

 

عنيات بتذكر .

فلاش باك “منذ ساعه”

 

عنيات لأياد : انت يلا بتتمرقع ليه لم الزباله كويس يا روح امك

 

اياد ببرائه : انا تعبت اوي وعطشان ممكن اشرب

 

عنيات بشر : وماله هشربك بس هشربك من دمك

 

اياد بخوف : دمي يعني اي يعني .

 

عنيات بعنف ضربت اياد كف أطاح به علي بلاط الملجأ بشده حتي نزف أنفه وفمه بغزاره

 

اياد وهوا يحاول منع النزيف : الدم كتير ونبي اغسل وشي هيجي جوا بوقي ولله

 

عنيات بشيطانيه: مش قولتلك هشربك من دمك اشرب بقا يا روح امك ومفيش اكل ولا مايه لأخر اليوم وهتنحبس هنا وياك اشوف وشك بره .

 

لتتركه داخل غرفه وتغادر وتسكر عليه الباب بأحكام .

 

يحاول اياد بكل الطرق أن يهرب حتي استطاع الخروج من الشباك في وقت نزول مديره الدار

 

” الان ”

 

عنيات بشرر : لسه هدوقه علقه الصح عشان يخرج من الاوضه كويس أن ما وريته

 

الحارس بقرف : يشيخه كتك قرف هتتحاسبي عليهم دول ولله ربنا يحرقك

 

وتركها وغادر .

 

بعد تجهيز الاطفال لكل شئ الحفله من تنضيف لنفخ بالونات وغيرها الكثير من الأعمال التي لا يتحملها اي طفل بسنهم .

 

عنيات بعصبيه : انجر منك ليها يلا علي جوا غيرو القرف اللي علي جتتكو دا والبسو نضيف

 

ذهبو جميع الأطفال الي الداخل بما منهم علي  ومراد ومحمد

 

محمد بحزن علي حالهم : ولله اياد صعبان عليا من اللي هتعمله فيه مش عارف كرهنا لي يعني .

 

علي  بحزن: ولله ربنا يستر بس الحمد الله أن احنا محدش يقدر يجي نحيتنا ننفذ الأوامر وخلاص وكل واحد مسئول عن نفسه ، بس الصغننه وحشتني اوي مشوفتهاش مع حد من دار ولا مع عنيات

 

مراد بحنين للصغيره : اه ولله وحشتني انا كمان ، بس هي مع ابله هيام معرفش راحت بيها فين

 

محمد ببسمه : تعرف ياض يا مراد انت وهاشم حسيتها حته مني اوي كأنها اختي من دمي

 

مراد بحب : اه دي حقيقه كنت خايف عليها عمري مخوفت علي حد في دار دا قدها بجد عيله مسكره

 

علي : انا بقا حسيتها هتبقي صحبتي اوي ، علي فكره يا مراد لازم نحميها كويس ها دي لو فضلت معانا عنيات هتمرمطها

 

مراد بزعل : عندك حق بس ولله لأحميها واحميكو لأخر نفس فيا ، ع العهد يا جماعهه

 

ضحكوا جميعا علي العهد يا حبي ..

 

خرجو جميع الأطفال بعد تمثيل أنهم تفاجئو بل احتفال رغم تجهيزهم له

 

حتي لاحظت المديره أنهم غير سعداء فقالت لهم

 

هيام بفرحه : بما أن الحفله مش باين عليها عجباكم ، ممكن نرقص سوااا رقصه البطريق اي رأيكم .

 

فرحو جميع الأطفال وقامو جميعهم بفرحه ورقصو مع هيام ويلعبو ويلهو بحب وودد لكن مراد ومحمد ظلو بأماكنهم ويبحثو بعيونهم عن الصغيره .

 

حتي اتي موعد الطعام .

 

هيام بحب : يا حلوين انا جبتلكم كلكم اكله جديده وحلوه

لتكمل بتلذذ وهي تمتص شفاتيها :جبت اي بق ، اممممممم …..شندويتشات سوري بس اي عظييمهه

 

ليسعدو جميعهم بشده ويذهبو لتناول الطعام وتذهب هيام لترتاح قليلا من اللهو ، لتأتي عنيات

وتقول

 

عنيات بعصبيه : اللي هيخلص اي طبق قدامه ملهوش اكل لمده تلت ايام يا روح امك .

 

ليصدمو جميعا وقامو بتناول لقيمات صغيره ، ولكن مراد قد تقزز منها .

 

خرجت هيام ونظرت للأطباق اللتي كانت شبهه كامله

 

هيام بود : اي يا مسكرين محدش اكل ليه بقا انتو كل مره تكلو كدا هتتعبو ولازم تهتموا شويه .

 

لتقول عنيات بهدوء : لا سيادتك هما اكلهم كدا بس مش مشكله يلا نكمل يمكن يجوعو وياكلو تاني .

 

وذهبو ولعبو كثيرا حتي انهكهم اللعب .

 

هيام بود أمامهم : بصو يا صغيرين انا عارفه انكم لسه متعرفوش ، بس في نونو هنا جت جديده ، وهي صغننه اوي كمان ، اخت جديده بق.

 

لتصدم أن لا أحد باتت عليه لا فرحه لا صدمه أو حتي حزن كأنهم لا يبالو ,

لا تعرف هذه الحنونه أن جميعهم رأوها أمس وطلب منهم الاعتناء بها طوال الليل لولما تدخل علي ومراد محمد واخذوها منهم .

 

هيام بحب: هاا مستعدين تكون معانا يا حلويين.

 

جميعهم بسعاده لفرحه هيام : ايوااااا مسسستعددييين

 

هيام بود : طب يلا اقترحوا عليا اسماء الصغيره وكل واحد يكتبو في ورقه ونعمل قرعه والاسم اللي يطلع نختاره سوا .

 

لينبهرو الاطفااال بل فكره التي تحدث لأول مره ويسعدو كثيرا .

 

وشرعوا في الحديث عن اختيار اسم وكل منهم اقترح اسم

 

أما عن تلاثي الاهرام ” علي  ومحمد ومراد ”

 

ف ظلو يتشاورون ، حتي قال لهم مراد

 

مراد بحب : انا عاوز اسميها مسك يا شباب .

 

محمد بدهشة : هتسميها بأسم امك يا مراد .

 

مراد بود : مش بقولك حسسها مني ،. المهم اي رأيكم

 

علي  بحب : انا عن نفسي حبيته اوي هتبقي احلي مسك دي ولا اي ولايق عليها موت

 

محمد بحب كبير : اه ولله هي ريحتها فراوله اصلا وحلوه لوحدها .

 

ليقول مراد بحب : لا هي ريحه الاطفال بتبقي كدا حلوه اوي .

 

استغرب علي  ومحمد كيف يعرف عن الصغار كل هذه المعلومات ولكن ظلو صامتين واتنفقو الثلاثه علي مسك وقامو بأخبار كل الاطفال الذي ايادوهم بشده وانبهار بجمال الاسم .

 

حتي انتهي الوقت وكتب كل منهم الاسم .

 

لتأتي المديره : ها يولاد اختارتوو كلكم

 

الولاد بصوت واحد : اه اختارناااا

 

لتمد يديها داخل القرعه ، ويتوتر مراد لانه لاول مره يعطي اسم والدته لشخص يتمني بشده ان تأخد الفاتنه لقب أمه .

ويتمنو محمد وعلي  نفس الشئ الانهم علمو الان كم هي مهمه هذه الطفله بل نسبه لهم ولمراد تحديدا .

 

حتي ضحكت المديره علي توترهم.

 

المديره بضحكه ودوده: كدا الاختيار وقع علي ……….. مممسككك

 

ليسعدو جميييعا ويذهب قلق مراد وعلي ومحمد بمجرد سماااعهم الاسم

 

ويسعدو بشده وتأتي المديره بمسك وتعطيها لهم ويأخدها أحد الأطفال ويعطيها مباشره لمراد

 

الطفل : مراد انت سميتها وانت كبير كمان يعني هي بنتك خلاص

 

علي بأبتسامه : واختيي الصغيره العسوله

 

ومحمد بود : واختي واميرتي انا كمان .

 

ليفرحو جميعااا ويسعدو ويعتني بيها ثلاثي الاهرام بشكل كبير يحموها من الجميع ودائما يعطوها من حنانهم ما يكفي ويفيض ويلعبونها ويحافظون عليها أكثر من أعينهم .

 

” عشق دموي”