كتب: محمد جلال
أنا ستي قالتلي يوم
اوعاك تميل للحب
في السن ده بالذات
هتشيل أوام الهم
وتكون ضعيف الود
قلبك كبير فسيبه
هتعوزه يوم قدام
ربك غفور فأياك
متوبش من عصياك
ودا سن له عذره
بس الرضا بهجره
سيبك من الأحزان
وتكون مع الرحمن
هيزيد طريقك نور
بينير مع الأيام
ويمدلك بإيديه
من قبل ما تنساب
أمك متتعوضش
هتكون معاها أوام
في وقت ما تحتاجك
وأوعى تقولها لا
تسندها وقت الهم
وتكونلها سُتره
من كل شيء مرغوم
ولا تقبل غير رضاها
دا الجنة تحت قدمها
وأحنا اللي ليها نعوز
أما أبوك فدا أمير
خاف عليه وتكون معاه
دا لو يشوفك يوم حزين
يدعي ربه تكون بخير
او سعات يبان شديد
لأجل تفضل مستقيم
يتعب علشان تفضل تملي بخير
والبنات سن المُراهقة
كُن معاهم لين وطيب
مش شديد لدرجة أنك
كل غلطة تثور عليهم
البنات واسمع لستك
بالكلام الحلو يجوا
كلمه منك بتراضيهم
وتصالحهم بالسعادة
هما بردوا مهما يحصل
وأنت أخوهم في الأخير
حزن قلبي طال عليكي
حتى صورتك مش بتيجي
طال غيابك بس عارفه
برده كونك كان ساندني
كان شايلني وقت وقعي
كُنتِ دايمًا بتقوليلي
إن زيك مش هلاقي
وإن مهما تكون بعيد
تلهيك حياتك او دراستك
برده قلبي عليك يا ولدي
بين صلاتي تكون قصادي
وأدعيلك تفضل بخير
فاكرة يوم ما كنت عندِك
بتقوليلي والورد جنبك
خدلي صورة
بالبتاع اللي أنت ماسكة
ليل نهار بتبص فيه
بكره ربك يفتكرني
وتشوفني في الصورة تجيلي
في المقابر كل جمعة
تقرألي فاتحة كتابة
والدعا منك يصيبني
مش هتيجي تاني يعني
طال غيابك لو تشوفي
حالي بعدِك مش بخير.
المزيد
معارضة بقلم إيمان مؤمن
حبيبة قلبي الراحلة بقلم إيمان مؤمن عبد العليم
أربع ساعات بقلم إيمان مؤمن عبدالعليم