كتب: محمد جلال
انا ستي قالتلي يوم
اوعاك تميل للحب
في السن ده بالذات
هتشيل اوام الهم
وتكون ضعيف الود
قلبك كبير فسيبه
هتعوزه يوم قدام
ربك غفور فأياك
متوبش من عصياك
ودا سن له عذره
بس الرضا بهجره
سيبك من الأحزان
وتكون مع الرحمن
هيزيد طريقك نور
بينير مع الأيام
ويمدلك بايديه
من قبل ما تنساب
أمك متتعوضش
هتكون معاها أوام
في وقت ما تحتاجك
وأوعى تقولها لا
تسندها وقت الهم
وتكونلها سُتره
من كل شيء مرغوم
ولا تقبل غير رضاها
دا الجنه تحت قدمها
وأحنا اللي ليها نعوز
أما أبوك فدا أمير
خاف عليه وتكون معاه
دا لو يشوفك يوم حزين
يدعى ربه تكون بخير
او سعات يبان شديد
لأجل تفضل مستقيم
يتعب علشان تفضل تملي بخير
والبنات سن المُراهقه
كُن معاهم لين وطيب
مش شديد لدرجة أنك
كل غلطه تثور عليهم
البنات واسمع لستك
بالكلام الحلو يجوا
كلمه منك بتراضيهم
وتصالحهم بالسعادة
هما بردوا مهما يحصل
وأنت أخوهم في الأخير
حزن قلبي طال عليكي
حتى صورتك مش بتيجي
طال غيابك بس عارفه
برده كونك كان ساندني
كان شايلني وقت وقعي
كُنتِ دايمًا بتقوليلي
إن زيك مش هلاقي
وإن مهما تكون بعيد
تلهيك حياتك أو دراستك
برده قلبي عليك يا ولدي
بين صلاتي تكون قصادي
وأدعيلك تفضل بخير
فاكرة يوم ما كنت عندِك
بتقوليلي والورد جنبك
خدلي صورة
بالبتاع اللي أنت ماسكة
ليل نهار بتبص فيه
بكره ربك يفتكرني
وتشوفني في الصورة تجيلي
في المقابر كل جمعة
تقرألي فاتحة كتابة
والدعا منك يصيبني
مش هتيجي تاني يعني
طال غيابك لو تشوفي
حالي بعدِك مش بخير.
المزيد
آهْ عَلَى دُنيـا كُلِّ ما فيها أَهْوَالٌ بقلم أحمد علي سمعول
مَا بَالُ قَلْبِكَ يَرْضَى الذُّلَّ مُنْهَزِمَا بقلم أحمد علي سمعول
سأبقى أسيرُ إلى الحلمِ مبتسماً بقلم اماني منتصر السيد